Google i gyd yn gweithio i chi
Mewngofnodwch i'ch Cyfrif Google a manteisiwch i'r eithaf ar yr holl wasanaethau Google rydych chi'n eu defnyddio. Mae'ch cyfrif yn eich helpu i wneud mwy drwy bersonoli'ch profiad yn Google a chynnig ffordd hawdd o weld y wybodaeth fwyaf pwysig i chi o unrhyw le.
Yn eich helpu chi
Pan fyddwch wedi mewngofnodi, mae pob un o'r gwasanaethau Google rydych chi'n eu defnyddio yn cydweithio'n ddi-dor i gynnig help gyda thasgau bob dydd fel cysoni'ch Gmail â'ch Google Calendar a Google Maps i sicrhau eich bod yn medru rheoli eich amserlen.
Wedi'i greu ar eich cyfer chi
Ni waeth pa ddyfais neu wasanaeth Google rydych chi'n ei ddefnyddio, mae eich cyfrif yn rhoi profiad cyson i chi y gallwch chi ei addasu a'i reoli unrhyw bryd.
Yn eich amddiffyn chi
Caiff eich cyfrif Google ei amddiffyn gan ddiogelwch sy'n arwain y diwydiant, i helpu i adnabod ac atal bygythiadau yn awtomatig cyn iddyn nhw eich cyrraedd chi o gwbl.
Yn barod i helpu
Mae eich Cyfrif Google yn eich helpu i arbed amser trwy lenwi cyfrineiriau, cyfeiriadau a manylion talu yn awtomatig gan ddefnyddio'r wybodaeth rydych chi wedi'i chadw i'ch cyfrif.
Pan fyddwch chi'n mewngofnodi i'ch Cyfrif Google, mae'r holl wasanaethau Google rydych chi'n eu defnyddio yn gweithio gyda'i gilydd i'ch helpu chi i wneud mwy. Er enghraifft, bydd negeseuon yn cadarnhau hediadau yn eich blwch derbyn Gmail yn cysoni'n awtomatig â'ch Google Calendar a'ch Google Maps i'ch helpu chi i gyrraedd y maes awyr mewn pryd.
O ailddechrau fideos YouTube ar draws dyfeisiau, i gael eich cysylltiadau a'ch hoff apiau Play Store ar gael yn hawdd, mae mewngofnodi unwaith yn caniatáu profiad di-dor ar draws Google. Mae eich Cyfrif Google hefyd yn ei gwneud hi'n hawdd i chi fewngofnodi i apiau trydydd parti yn ddiogel ac yn gyflym fel bod eich dewisiadau'n mynd gyda chi hyd yn oed y tu hwnt i Google.
I chi yn unig
Nid ydych chi byth yn fwy na thap i ffwrdd o'ch data a'ch gosodiadau. Tapiwch eich llun proffil a dilynwch y ddolen i “Rheoli'ch Cyfrif Google”. O'ch llun proffil, gallwch hefyd fewngofnodi, allgofnodi neu droi'r modd anhysbys ymlaen yn hawdd.
O ran preifatrwydd, rydyn ni'n gwybod nad yw'r un peth yn addas i bawb. Dyna pam mae pob Cyfrif Google yn cynnwys rheolyddion ac offer hawdd eu defnyddio megis Archwiliad Diogelwch fel y gallwch chi ddewis y gosodiadau preifatrwydd sy'n iawn i chi. Gallwch hefyd reoli pa ddata sy'n cael eu cadw yn eich cyfrif gyda rheolyddion hawdd i droi ymlaen/diffodd, a hyd yn oed dileu eich data yn ôl dyddiad, cynnyrch a phwnc.
Mae eich Cyfrif Google yn rhoi lle diogel, canolog i chi storio eich gwybodaeth bersonol - megis cardiau credyd, cyfrineiriau a chysylltiadau - felly mae bob amser ar gael i chi ar draws y rhyngrwyd pan fydd ei hangen arnoch chi.
